កាន់តែធ្ងន់! វ៉ាក់សាំងអាចទប់មិនជាប់ លើវីរុស​កូវីដ-១៩បំលែងខ្លួនថ្មីនៅអាហ្វ្រិកខាងត្បូង

វីរុស​កូវីដ-១៩ បំលែង​ខ្លួន​ថ្មី​នៅ​អាហ្វ្រិក​ខាង​ត្បូង មាន​ហានិភ័យ​ខ្ពស់​អាច​នឹង​ឆ្លង​ឡើង​វិញ ហើយ​រួម​ទាំង​អាច​មាន​ឥទ្ធិពល​លើ​វ៉ាក់សាំង​ថែម​ទៀត នេះ​បើ​តាម​ការសិក្សា​​ស្រាវជ្រាវ​ថ្មី​រក​ឃើញ ។

វីរុស​បំលែង​ខ្លួន​ថ្មី​ដែល​រក​ឃើញ​នៅ​ប្រទេស​អង់គ្លេស អាហ្វ្រិក​ខាង​ត្បូង និង​ប្រេស៊ីល គឺ​​សុទ្ធ​តែ​មាន​ប្រូតេអ៊ីន​បន្លា (Spike Protein) ដែល​ជួយ​ឲ្យ​វីរុស​ជ្រាត​ចូល​កោសិកា​មនុស្ស ដែល​នាំ​ឲ្យ​វា​ដើរ​តួនាទី​សំខាន់​ក្នុង​ការ​ចម្លង​រោគ ។

ទោះ​ជា​យ៉ាង​ណា ចំពោះ​វីរុស​បំលែង​ខ្លួន​ថ្មី​មួយ​ជា​ពិសេស ដែល​មាន​ឈ្មោះ​ថា E484K ដែល​បច្ចុប្បន្ន​រក​ឃើញ​នៅ​ក្នុង​ប្រទេស​អាហ្វ្រិក​ខាង​ត្បូង និង​ប្រេស៊ីល​នោះ អ្នក​ជំនាញ​គឺ​កំពុង​មាន​ការ​ព្រួយបារម្ភ​ពី​លទ្ធភាព​របស់​វា​អាច​គេចពី​ប្រព័ន្ធ​ភាព​ស៊ាំ​បាន ។

អ្នក​ស្រាវជ្រាវ​នៅ​ប្រទេស​អាហ្វ្រិក​ខាង​ត្បូង បាន​ធ្វើ​តេស្ត​លើ​វីរុស​បំលែង​ខ្លួន​ថ្មី​ដែល​រក​ឃើញ​នៅ​ទី​នោះ ដែល​ហៅ​ឈ្មោះ​ថា 501Y.V2 ទៅ​លើ​​ឈាម​ប្លាស្មា​ពី​អ្នក​ជំងឺ​កូវីដ-១៩ ដែល​ជា​សះស្បើយ ។

ក្រោយ​ការ​ធ្វើ​តេស្ត ពួកគេ​បាន​រក​ឃើញ​ថា វា​អាច​បន្សាប​អង់ទីប៊ីយ៉ូទិក​ដែល​បង្កើត​ឡើង​ពី​ការ​ឆ្លង​លើក​មុន ពោល​គឺ​មាន​ន័យ​ថា វា​ក៏​អាច​នឹង​ប្រឆាំង​នឹង​ភាព​ស៊ាំ​ដែល​ផ្ដល់​ដោយ​ថ្នាំ​ចាក់​នា​ពេល​បច្ចុប្បន្ន​ផង​ដែរ ៕

ប្រភព៖ Dailymail

Related posts

Leave a Comment