ប្រជាពលរដ្ឋជាច្រើនគ្រួសារផ្ទះការ តវ៉ា​នឹង​គម្រោង​ស្តា​របឹង​មេទឹក របស់​ធនធានទឹក នៅមុខ​កំពូល​ដោយពលរដ្ឋលើកឡើងថា….

ដោយៈ ប​.​ខុន / ភ្នំពេញៈ ការអនុវត្ត​គម្រោង ស្តារ​បឹងបួរ​ធម្មជាតិ ចំនួន ២២ កន្លែង នៅ​ស្រុក មុខកំពូល ធ្វើឱ្យ​ប្រជាពលរដ្ឋ ចំនួន ៤៦ នាក់ នៅក្នុង​ឃុំ​រការ​កោង​២, ស្វាយ​អំពារ និង​ឃុំ​ព្រែក​ដំបង ស្រុក​មុខកំពូល ខេត្តកណ្តាល លើកគ្នា​មក​តវ៉ា ដល់​ក្រសួង​ធនធានទឹក និង​ឧតុនិយម ដែលជា​ម្ចាស់​គម្រោង​ខាងលើ ផ្អាក​សកម្មភាព ព្រោះ​ប៉ះពាល់​ដល់​ដី ដែល​ប្រជាពលរដ្ឋ បាន​កាន់កាប់ និង​អាស្រ័យ​ផល តាំងពី​ឆ្នាំ ១៩៨៨ ។​

​ប្រជាជន​មួយក្រុម កាលពី​វេលា​ថ្ងៃទី​ត្រង់ ថ្ងៃទី​១៨ ខែធ្នូ ឆ្នាំ​២០២០ បាននាំគ្នា​មកដល់​ក្រសួង ធនធានទឹក ក្បាលថ្នល់ ដោយ​កាន់​មកជា​មួយ នូវ​ពាក្យស្នើសុំ អន្តរាគមន៍ បញ្ឈប់​ការអភិវឌ្ឍ ជីក​ស្តារ​មេទឹក នៅក្នុង​ឃុំ​រការ​កោង​២, ស្វាយ​អំពារ​, និ ង​ឃុំ​ព្រែក​ដំបង ស្រុក​មុខកំពូល បន្ទាប់ពី​បាន​ទៅ​ដាក់ពាក្យ នៅ​សាលាស្រុក​មុខកំពូល និង​សាលា​ខេត្តកណ្តាល រួចមក​។​

​ពាក្យសុំ​អន្តរាគមន៍​របស់ ប្រជាពលរដ្ឋ​ខាងលើ ត្រូវបាន​មន្ត្រី​ក្រសួង​ធនធាន ទឹក​និង ឧតុនិយម ទទួល តែ​មិនទាន់មាន​លទ្ធផល តប​យ៉ាងម៉េច​ទេ ដោយ​ត្រូវ​រង់ចាំ​មន្ត្រី​ជំនាញ បច្ចេកទេស ចុះទៅពិនិត្យ​ដល់​មូលដ្ឋាន ជាក់ស្តែង ដែល​ក្រុមការងារ​របស់​ក្រសួង កំពុង​អនុវត្ត​គម្រោង​។​

​នៅក្នុង​ពាក្យសុំ​អន្តរាគមន៍ ដែល​ពលរដ្ឋ​នេះ បានសរសេរថាៈ ” សូម​លោក​រដ្ឋមន្ត្រី ជួយ​ទប់ស្កាត់​ការស្តារ​ដី​ផ្លូវឆ្ការ លើដី​កសិក​កម្ម និង​ដី​លំនៅដ្ឋាន (​តំបន់​ផ្លូវឆ្ការ ) ដែលមាន ទីតាំង​ស្ថិតនៅ ឃុំរ​ការ​កោង​២ , ស្វាយ​អំពារ​, និង​ឃុំ​ព្រែក​ដំបង ស្រុក​មុខកំពូល ខេត្តកណ្តាល​។​

​ក្នុង​ពាក្យសុំ​ខាងលើ បាន​យោង​លិខិត​ប្រកាស លេខ ១៤៧៧ ធ​ទ​ឧ និង​១៤៧៨ ធ​ទ​ឧ ចុះ​ថ្ងៃទី​១១ ខែកញ្ញា ឆ្នាំ​២០២០ របស់​ក្រសួង​ធនធានទឹក និង​ឧតុនិយម និង​បាន​រៀបរាប់ថាៈ ” ពួកយើងខ្ញុំ ជា​ប្រជាពលរដ្ឋ ដែល​កំពុង​កាន់កាប់​ដី​កសិកម្ម និង​លំនៅដ្ឋាន (​ដី​ផ្លូវឆ្ការ​) ដែល​ដី​ផ្លូវឆ្ការ​នេះ មាន​ប្រវត្តិ ជា​ដី​កាន់កាប់ ដោយ​ពួកយើង តាំងពី​ឆ្នាំ​១៩៨៨ មក​។ ដី​នេះ ជា​ដី​កសិកម្ម​ធម្មតា​ហើយ​ពួកយើងខ្ញុំ​បាន​លក់ អាច​ដី ឱ្យទៅ​ឈ្មួញ​ធ្វើ​ឡឥដ្ឋ​ដើម្បី យក​ធ្វើ ជា​ស្រះ​ទឹក ដើម្បី​ប្រើប្រាស់ ទើប​មាន​ជម្រៅ ជ្រៅ ជាង​ដី​ធម្មតា មើលទៅ​ដូចជា​មេទឹក តែ​ដី​ទាំងអស់នេះ ជា​ដីឯកជន​របស់​ពួកយើងខ្ញុំ​ទេ មិនមែន ជា​ដី​រួម​ឡើយ​។ ដី​នោះ​ស្ថិត នៅ​ឃុំ​រការ​កោង​២, ស្វាយ​អំពារ និង ឃុំ​ព្រែក​ដំបង ស្រុក​មុខកំពូល ដែល​បច្ចុប្បន្ន​ពួកយើង ខ្ញុំ កំពុង​ធ្វើ​កសិកម្ម និង​តាំង លំនៅដ្ឋាន នៅលើ​ដី​នោះ ដោយ​ពួកយើង កំពុង​ធ្វើ​កសិកម្ម ដូចជា​ធ្វើ​ចម្ការ ចិញ្ចឹម​ត្រី និង​តាំង​លំនៅដ្ឋាន ជាដើម ដោយមាន​ព័ត៌មាន​ថា​ខាង​ក្រសួង ធនធានទឹក និង​ឧតុនិយម នឹងធ្វើ​ការស្តារ​មេទឹក​លើដី ដែល​ពួកយើង បាននិងកំពុង​កាន់កា​ប់ ជា​យូរយា​ណាស់​មកហើយ​នេះ ដែល​អាច​នឹង​ប៉ះពាល់ ដល់​ការ​អាស្រ័យ​ផល លើដី​នេះ ដូចនេះ​ពួកយើងខ្ញុំ ស្នើសុំ​ឱ្យ​លោក​រដ្ឋមន្ត្រី ជួយ​អន្តរាគមន៍ ដល់​អាជ្ញាធរ​ពាក់ព័ន្ធ មេត្តា ពិនិត្យ និង​បញ្ឈប់​លើ​ការអភិវឌ្ឍ ក្នុងការ​ស្តារ​ធ្វើ​មេទឹក​នេះ ដោយហេតុថា ដី​នេះ មិនមែនជា​ដី​ដែល​បម្រើ ផលប្រយោជន៍​សាធារណៈ សម្រាប់​សហគមន៍​យើងខ្ញុំ​នោះទេ ហើយ​នៅ​ជិត​ដី​ផ្លូវឆ្ការ​នេះ ក៏មាន​បឹង​ព្រែក សម្រាប់​ស្តុក​ទឹក​ផងដែរ ។
​ពួកយើង​ដែលជា​ប្រជាពលរដ្ឋ នៅ​សហគមន៍​នេះ ក៏​មិនមាន​តម្រូវការ លើ​ការស្តារ ធ្វើ ជា​មេទឹក​នោះទេ និង​ស្នើសុំ​លោក​រដ្ឋមន្ត្រី មេត្តា​អនុញ្ញាតឱ្យ​ពួកយើងខ្ញុំ បាន​បន្តកាន់កាប់ និង​អាស្រ័យ​ផល​លើដី ដែល​ក្រសួង​ធនធានទឹក និង​ឧតុនិយម ចង់​ស្តារ ធ្វើ​មេទឹក​នោះ ដោយ​អនុគ្រោះ “​។ លិខិត​សុំ​អន្តរាគមន៍ ចុះ​ថ្ងៃទី​១៧ ខែធ្នូ ឆ្នាំ​២០២០ ដោយ​ពុំ​មានការ បញ្ជាក់ ពី​មូលដ្ឋាន​នេះ មានឈ្មោះ និង​ស្នាម​មេដៃ​ប្រជាពលរដ្ឋ ដែល​បាន​អះអាងថា ជា​អ្នក​កាន់ កាប់​ដី​ខាងលើ ចំនួន ៤៦ នាក់​។​

​គួរ​រំលឹក​ឱ្យដឹងថា ក្រសួង​ធនធានទឹក និង​ឧតុនិយម កាលពី​ថ្ងៃទី​១១ ខែកញ្ញា ឆ្នាំ​២០២០ បាន​ជម្រាប​ទៅ​ប្រធាន​មន្ទីរ​ធនធានទឹក និង​ឧតុនិយម ខេត្តកណ្តាល អំពី​ការស្តារ​បឹងបួរ អូរ​ធម្មជាតិ ចំនួន ២២ កន្លែង ស្ថិតនៅ​ក្នុងស្រុក​មុខកំពូល ខេត្តកណ្តាល​ដោយ​នៅក្នុង​លិខិត លេខ ១៤៧៨ ធ​ទ​ឧ បានសរសេរថាៈ ” ដើម្បីឱ្យ​ក្រសួង ធនធានទឹក និង​ឧតុនិយម ធ្វើការ​អនុវត្ត​ផែនការ ការងារ រយៈពេល​វែង លើ​វិស័យ​ធារាសាស្ត្រ ទទួលបាន​ជោគជ័យ ប្រកបដោយ​ប្រសិទ្ធភាព ខ្ពស់ និង​មាន​និរន្តរភាព​នោះ ក្រសួង​ធនធានទឹក និង​ឧតុនិយម នឹងធ្វើ​ការស្តារ​បឹងបួ​រ អូរ​ធម្មជាតិ ចំនួន ២២ កន្លែង ក្រោម​ក្រប ខណ្ឌ​គម្រោង​សាច់ប្រាក់ ពលកម្ម សម្រាប់​អភិវឌ្ឍន៍​ហេដ្ឋារចនាសម្ព័ន្ធ​ជនបទ និង​ការគាំទ្រ​កសិករ​សម្រាប់​ការ កំណត់​ព្រំប្រទល់ បឹងបួរ អូរ​ធម្មជាតិ ដើម្បី​រក្សាទុក ជា​ទ្រព្យសម្បត្តិ​របស់​រដ្ឋ​ដែល​ស្ថិតនៅ ស្រុក​មុខកំពូល ខេត្តកណ្តាល​។ ដូចនេះ ដើម្បីឱ្យ​ការងារ​ស្តារឡើងវិញ​នូវ​បណ្តា​អនុ គម្រោង​ខាងលើ ប្រព្រឹត្តទៅ​បានល្អ និង​ទទួលបាន​ជោគជ័យ សូម​លោក​ប្រធាន​ចាត់ វិធានការ ជាមួយនឹង​អាជ្ញាធរ​ដែនដី ដែល​ពាក់ព័ន្ធ គ្រប់លំដាប់​ថ្នាក់ ក្នុងការ​អនុវត្ត​គម្រោង ខាងលើ រួមមាន​លោក​អភិបាលស្រុក មេឃុំ ប្រធានភូមិ ដើម្បី​ធ្វើការ​សហការ​ជាមួយ នឹង​ផ្នែក​គ្រប់គ្រង​គម្រោង របស់​ក្រសួង ក្នុងការ​អនុវត្ត សកម្មភាព​ការងារ ស្តារ​បឹងបួរ អូរ​ធម្មជាតិ​ឱ្យ​សម្រេច បានល្អ​ប្រសើរ ប្រកបដោយ ប្រសិទ្ធភាព​ខ្ពស់ និង​មាន​និរន្តរភាព ” ៕/V-PC​

Related posts

Leave a Comment