មហាជនជាច្រើន ក៏ដូចជាហ្វេនៗ ពិតជាជ្រាបរួចមកហើយ នូវទំនាក់ទំនងស្នេហា រវាងតារាចម្រៀងដ៏ល្បីពីរដួង គឺ ទេព បូព្រឹក្ស និង ងួន ចាន់ដេវីត (G-Devith) នោះ ដោយអ្នកទំាងពីរ តែងតែបង្ហាញនូវភាពផ្អែមល្ហែម ស្និតស្នាល ជាមួយគ្នា ញឹកញាប់ មើលទៅពិតជាពោរពេញដោយភាពកក់ក្តៅ និងសុភមង្គលខ្លាំងណាស់។
ចំណែកនៅមុននេះបន្តិច នាយប់ថ្ងៃទី ០៧ ខែកុម្ភៈ ឆ្នាំ ២០២១ តារាចម្រៀងរ៉េបវ័យក្មេងរូបសង្ហា G-Devith បានបញ្ចេញបទថ្មីរបស់ខ្លួន មួយបទ ពិតជាពីរោះ និងប្លែកជាងរាល់ដង ហើយ បទនេះ មានចំណងជើងថា “Pure Things”។
ស្តាប់ចប់ភ្លាម ពិតជាបានទាក់ចិត្ត ទេព បូព្រឹក្ស ដល់ថ្នាក់ ហ៊ានពោលពាក្យមួយឃ្លា ថា “អូយស្រលាញ់ មានអារម្មណ៍ចង់ថត MV បទនេះ ពីរនាក់”។
ក្នុងនោះ ក៏មាន ហ្វេនៗ ជាច្រើន ដែលបានស្តាប់បទនេះ ក៏មានលាន់មាត់សរសើរ ផងដែរថា ៖ ស្តាប់ហើយអារម្មណ៍ល្អ, ពីរោះណាស់ idol, ចូលចិត្តស្ដាប់បទបង G-Devith, ពីរោះកប់ហ្មង, ធ្វើបទអ៊ីចឹងៗ បានពីរោះណាស់បង, សម្លេងរបស់អ្នកពិតជាធ្វើឲ្យខ្ញុំរីករាយ ពេលស្តាប់បទនេះ។
តោះដើម្បីកុំឲ្យរងចាំយូរ សូមស្តាប់ទាំងអស់គ្នា ថាបទនេះ ពិតជាពីរោះ ដូចអ្នកគាំទ្របានលើកឡើងមែនឬក៏អត់នោះ ៖
