នៅរសៀលថ្ងៃទី ០៥ ខែមេសា ឆ្នាំ ២០២១ នេះ រដ្ឋបាលរាជធានីភ្នំពេញ បានចេញសេចក្ដីជូនដំណឹងស្ដីពី ការរឹតបន្តឹង ការអនុវត្តន៍វិធានការទប់ស្កាត់ការរាតត្បាតកូវីដ-១៩ ក្នុងឱកាសឈប់សម្រាកបុណ្យចូលឆ្នាំខ្មែរ នៅទីតាំងភូមិសាស្ត្ររាជធានីភ្នំពេញ ។
ក្នុ្ងងនោះ រដ្ឋបាលរាជធានីភ្នំពេញ បានប្រកាសផ្អាកការរៀបចំសង្ក្រាន្ត «វត្តភ្នំ» និង ការរៀបចំសង្ក្រាន្ត តាមបណ្តាខណ្ឌទាំង ១៤ នៅក្នុងរាជធានីភ្នំពេញ ក្នុងឱកាសនៃពិធីបុណ្យចូលឆ្នាំខ្មែរប្រពៃណីជាតិ ឆ្នាំឆ្លូវ ត្រីស័ក ព.ស.២៥៦៤ គ.ស.២០២១ នាពេលខាងមុខនេះ ។
រដ្ឋបាលរាជធានី បានបញ្ជាក់ផងដែរថា ការធ្វើបែបនេះ គឺដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងសហគមន៍ ជាពិសេសនៅក្នុងភុមិសាស្ត្ររាជធានីភ្នំពេញតែម្ដង ។
